Kryetari i SBAShK-ut, Rrahman Jasharaj ka komentuar letrën që i është drejtuar Avokatit të Popullit nga ana e sindikatës me kërkesat e reja për fillimin e mësimit.
Jasharaj për Kanal 10 ka ka thënë se ai nuk tërhiqet sepse ai nuk vendos vet për grevën.
“Nuk është tërhequr as BSPK-ja e as anëtarësia”.
I pari i SBASHK-ut tha se Avokati i Popullit është ngutur kur ka deklaruar se sot do të ketë marrëveshje.
“Unë them se jo që nuk ka marrëveshje, por as telefonatë nuk kemi pasur e as ftesë zyrtare”.
Jasharaj thotë se meqë Qeveria ka thënë se ligji nuk lejon ndryshime në lidhje me rritjen prej më shumë se 50 euro, ata kanë ofruar kompromis përmes një letre kthyese dërguar Avokatit të Popullit që është ndërmjetësues.
“Ne kemi kërkuar që 50 eurove të pakos së ofruar nga Kurti, t’i shtohet edhe përqindja e ngritjes ekonomike për këtë vit dhe përqindja e inflacionit. Pra ka mundësi ligjore dhe nuk jemi tërhequr nga asnjë kërkesë pasi tërheqjen do të bënte anëtarësia. Nuk është e pëlqyer të thuhet se është tërhequr Jasharaj. Tërheqjen eventuale do ta bënte anëtarësia gjegjësisht SBASHK-u”.
Jasharaj ka thënë se situate nuk ka ndryshuar pasi nuk ka tërheqje dhe as marrëveshje.
