Jared Leto tregoi pjesën e sipërme të trupit të tij të tonifikuar në mënyrë mbresëlënëse në një set fotografish që u shpërndanë në llogarinë e tij në Instagram të martën.
Aktori 51-vjeçar u pa teksa po shijonte një udhëtim në natyrë në pamjet, dy prej të cilave dukej se e tregonin atë në mes të një ecjeje, shkruan DailyMail.
Protagonisti i filmit “Suicide Squad, i cili së fundmi u pa me të dashurën e tij të përfolur Thet Thinn, gjithashtu mbeti ‘topless’ në dy nga fotografitë e tij, të cilat shërbyen për të shfaqur gjoksin e tij të skalitur për 11.5 milionë ndjekësit e tij në Instagram.
Leto kishte veshur një palë pantallona të shkurtra në ngjyrë bruz, të cilat ishin në kontrast me këpucët e kuqe të ‘hiking’-ut gjatë udhëtimit të tij.
Fituesi i çmimit “Oscar” kishte veshur gjithashtu një bluzë bardh e zi, dhe për aksesor vendosi një kapele në ngjyrë të kuqe të ndezur.
Aktori gjithashtu promovoi publikimin e ardhshëm të albumit të ri të grupit të tij, të titulluar “It’s the End of the World but It’s a Beautiful Day”.
Interpretuesi ka shërbyer si drejtuesi i grupit të tij, 30 Seconds To Mars, që kur u formua në vitin 1998.
Përveç Letos, grupi përbëhej kryesisht nga vëllai i tij Shannon dhe kitaristi i tyre për një kohë të gjatë Tomo Milisevic.
Muzikanti u largua nga grupi në vitin 2018 pas publikimit të albumit më të ri të grupit, “America”, duke i lënë vëllezërit të kompletojnë albumin e tyre më të ri.
Performuesi zbuloi se kishte filluar të punonte për një album të ri në vitin 2021 dhe zyrtarisht zbuloi se projekti ishte gati për publikim në prillin e kaluar.
“It’s the End of the World but It’s a Beautiful Day” i cili do të përbëhet nga 11 këngë, aktualisht është planifikuar të dalë në treg më 15 shtator.
Leto foli për albumin e ardhshëm gjatë një interviste për “Sharp”, ku u shpreh se grupi ishte duke bërë një hap përpara me projektin e tyre të ri.
“Mendoj se është një kapitull i ri për 30 Seconds To Mars. Na merr kaq shumë kohë për të bërë albume saqë ndryshojmë shumë. Bota ndryshon…por e gjithë kjo është disi e mrekullueshme. Mund të të shtyjë vërtet në vende të reja”, tha ai.
Interpretuesi gjithashtu tha se ai e kishte shtyrë veten në kufij të rinj si këngëtar gjatë punës për albumin.
“Ka një dobësi, një intimitet dhe një intensitet në zërin tim në këtë album që nuk e kam dëgjuar kurrë më parë nga vetja”, tha ai.
Leto vazhdoi të fliste për cilësitë eksperimentale të albumit dhe tha se ai u përpoq që materiali i tij i ri të mos tingëllonte si puna e hershme e grupit.
“Mendoj se është mirë të jesh i lirë nga çdo kufizim, sepse do të ishte turp të bësh ‘This Is War: Part II’, përveç nëse vërtet po përpiqeshe të bësh ‘This Is War: Part II’. Për të cilën kemi menduar, në fakt. Do të ishte interesante”, tha ai. /Telegrafi/