Leonardo Jardim ka konfirmuar se ai mori një ofertë nga Interi, por preferoi të qëndrojë me Monaco, ndërsa Luciano Spalletti thuhet se do të emërohet nesër si trajner i ri i skuadrës.
Nerazzurrët kishin nevojë për një trajner të ri, pasi kaluan sezonin me Roberto Mancini, Frank de Boer, Stefano Pioli dhe menaxherin e fundit, Stefano Vecchi.
Ish-trajneri i Romës, Spalletti do të nënshkruajë kontratën dyvjeçare me opsionin për të tretën të hënën, duke fituar afërsisht katër milionë euro për sezonin.
Megjithatë, italiani nuk ishte zgjedhja e parë, pasi trajneri i Monacos, Jardim ka konfirmuar se ai ishte kontaktuar nga drejtuesit zikaltër.
“Klubet në Kinë ishin të gatshëm të më mbulonin në ar dhe gjithashtu mora një ofertë nga Interi”, ka thënë Jardim për Telefoot.
“Mendoj se projekti në Monaco ende nuk ka përfunduar”, përcjell Telegrafi.
“Unë së shpejti do të rinovoj kontratën time, ajo do të bëhet zyrtare së shpejti”, përfundoi portugezi.
Ndryshe, Monaco e Jardim fituan titullin e Ligue 1 dhe arritën në gjysmëfinale të Ligës së Kampionëve këtë sezon. /Telegrafi/