Adnan Januzaj është në shënjestër të Leicester, pasi këtë të fundit larguan Riyad Mahrez.
Por Djajtë e Kuq mund të futen në këtë mes, pas e kanë një klauzolë të riblerjes dhe e shohin si mundësi që të arrijnë te Harry Maguire.
Januzaj, tani 23 vjeç ishte transferuar te Real Sociedad verën e kaluar nga United për 8 milionë funte, pasi që kaloi disa muaj huazim te Borussia Dortmund dhe Sunderland.
Sipas gazetarit belg, Niels Poissonnier, paraqitja e tij e mirë në Kampionatin Botëror dhe goli ndaj Anglisë, kanë bërë që Leicester ta sheh si zëvendësim për Riyad Mahrezin.
Januzaj luajti mirë në klubin spanjoll dhe shihet si pasardhës i Mahrez te Leicester.
Leicester mund të pengohet nga Manchester United, që mund ta kthejnë në Old Trafford, pasi e mban të drejtën e riblerjes.
Djajtë e kuq mund ta përdorin si kërcënim, pasi Leicester nuk e liroi Maguiren, që ishte në krye të listës së transferimeve të Jose Mourinhos. /Telegrafi/