Trajneri i ri i Sunderlandit, David Moyes, ka shprehur interesim për transferimin e anësorit të Manchester Unitedit, Adnan Januzajn.
21-vjeçari raportohet se është i lirë për huazim dhe Sunderlandi dëshiron që të marrë shërbimet e futbollistit që për Unitedin ka luajtur vetëm gjashtë herë që nga janari.
Ishte pikërisht stadiumi i Sunderlandit që e bëri Januzajn të famshëm me dy gola në debutimin e tij te Unitedi në vitin 2013, që atë kohë kishte trajner Moyesin, transmeton koha.net.
Ish-trajneri i “Djajve të Kuq” tani, sipas “Daily Mail”, dëshiron ribashkimin me futbollistin.
“Kemi një klub të madh që duhet ta qojmë përpara. Duhet të sigurohemi se do të festojmë më shumë sesa vetëm qëndrimin në ligë. Ai nuk është qëllimi. Nuk është qëllimi im, sigurisht”, ka deklaruar Moyes për klubin e ri.
