Sekretari i Përgjithshëm i OBRM-PDUKM-së, Igor Janushev sot në Çashkë akuzoi kryetarin e Komunës se asnjë premtim nuk është realizuar në nivel lokal dhe se nuk ka as rrugë, as kanalizime , dhe as ujësjellës.
“Shumë herë në të kaluarën kemi deklaruar se nuk habitemi, për shkak se bandat kriminele të Zaevit din vetëm të gënjejnë dhe asgjë tjetër. Ajo që është tepër e rëndësishme është e ashtuquajtura paralele shqipe ku në një mënyrë kriminale me dhunë, ashtu siç dinë ata, provojnë që të merret vendim në Këshillin e Komunës së Çashkës, përkatësisht të mos vihet në votim”, tha Janushev.
Ai tha se nxënësit që jetojnë në disa fshatra të rrethinës së Çashkës në vend se të shkojnë te shkollat më të afërta e që janë dy kilometra, ata po përpiqen që nëpërmjet keqpërdorimit të fëmijëve t’i dërgojnë ata shtatë kilometra më shumë në një shkollë, pa u respektuar asnjë procedurë ligjore.
“Pikërisht për këtë ju bëjmë thirrje qytetarëve t’i deklarojnë problemet e tyre, dhe ne si OBRM-PDUKM do kemi obligim që ato probleme t’i ofrojmë si zgjidhe në programin zgjedhor të OBRM-PDUKM-së. Ajo që edhe njëherë mund ta them është se Zoran Zaev po bie, ndërsa Maqedonia fillon me rindërtimin e saj”, shtoi Janushev./Telegrafi/
