Ish-ministrja e Punëve të Brendshme Gordana Jankulloska, sot në mëngjes është paraqitur në Gjykatën Penale ku do të mbahet seancë për rastin “Titanik”.
Para hyrjes në seancë ajo shkurt tha se i respekton masat e kujdesit që i ka vendosur gjykata dhe nuk ka nevojë për masa tjera, përcjell Telegrafi Maqedoni.
“Për mua ka të shqiptuara masa nga ana e gjykatës, i respektoj të njëjtat dhe mendoj se nuk ka nevojë për shqyrtim të vendimit të gjykatës, ose shqiptimin e masave tjera”, tha Jankulloska.
Ajo është dënuar me gjashtë vite burg në rastin “Tanku”, i cili ka të bëjë me blerjen e makinës luksoze “Mercedes”, ndërsa në këtë rast me dy vite burg u dënua edhe Nikolla Gruevski./Telegrafi/