Prokurorja Speciale Katica Janeva, sot para gazetarëve tha se edhe pse kanë dyshime se si kanë ndodhur ngjarjet e Kumanovës, nuk kanë gjetur biseda telefonike për të vepruar mbi këtë lëndë.
Ajo tha se marrja e kësaj lënde nga Prokuroria Speciale Publike (PSP), për momentin është e paqartë, përcjell Telegrafi Maqedoni.
“Edhe pse kemi dyshime se si kanë ndodhur ngjarjet e Kumanovës, nuk kemi gjetur përgjime telefonike për të vepruar mbi këtë lëndë. Marrja e kësaj lënde nga PSP-ja, për momentin është e paqartë”, tha Janeva.
Ajo është pyetur edhe për të ardhmen e PSP-së, ku shpreson që gjithë ekipit të saj t’i vazhdohet puna edhe për një mandat.
“Ne jemi profesionist. Shpresoj që gjithë ekipi të mbetemi dhe të punojmë. Kjo është dëshira jonë. I mbështes gjithë kolegët e mi. Kemi edhe dy vende të lira. Sipas vendimit të Këshillit të Prokurorëve Publik, kemi të drejtë edhe dy kolegë të jenë pjesë e ekipit”, tha Janeva./Telegrafi/
