“Ish-kryeministri Nikolla Gruevski, ish-shefi i kabinetit të tij Martin Protugjer, ish-sekretari i përgjithshëm i qeverisë Kiril Bozhinovski, si dhe ish-drejtori i DSK-së Sasho Mijallkov, në të gjitha mënyrat e mundshme refuzojnë t’i marrin ftesat për marrje në pyetje nga PSP”. Këtë për Makfaks e tha prokurorja speciale Kativa Janeva, e cila tha se nuk do të tentojnë që me dhunë t’i marrin në pyetje ata, përcjell Telegrafi Maqedoni.
“Tre të parët janë ftuar të japin dëshmi rreth financimit të OBRM-PDUKM-së në rastin “Talir”, ndërsa Mijallkov për hetim tjera”, tha Janeva.
“Nuk do të bëjmë viktima nga ata katërt. Është edhe në interes të tyre të paraqiten në PSP dhe të japin dëshmi. Deri në skadimin e afatit të paraparë me ligj, ne do të ngrejmë padi për të gjitha procedurat për të cilat do t’i përfundojmë hetimet, në të cilat të dyshuar janë edhe ish-funksionarë të lartë”, deklaroi Janeva.
Ajo u shpreh e bindur se gjatë ditëve në vijim nuk do të hapen procedura të reha parahetimore, pasi siç tha, janë të angazhuar plotësisht në hetimet e kaluara dhe procedurat parahetimore që janë drejt finalizimit./Telegrafi/