Los Angeles Lakers janë rikthyer te fitoret në NBA falë një paraqitje fantastike nga LeBron James.
Pas dy humbjeve të njëpasnjëshme, Lakers kanë arritur të rikthehen te fitoret ku në Crypto Arena kanë mposhtur Washtington Wizards me 13 pikë diferencë, 122:109.
LeBron James ka qenë më i miri në këtë takim, me yllin e Lakers që e mbylli ndeshjen me 50 pikë, shtatë kërcime e gjashtë asistime.
50 Burger back on the menu. #LakersWin pic.twitter.com/QCWKy5aIZp
— Los Angeles Lakers (@Lakers) March 12, 2022
Përveç James, te Lakers me lojë të mirë u dallua edhe Malik Monk që shtoi 21 pikë, derisa Horton-Tucker e mbylli takimin me 15 pikë.
Kyle Kuzma kontribuoi për Washingtonin me 23 pikë e shtatë kërcime kundër ish-ekipit të tij, por që nuk ishin të mjaftueshme për fitore. /Telegrafi/
