Njëri nga basketbollistët më të mirë në histori të NBA, LeBron James ka vazhduar me formë të jashtëzakonshme.
Cleveland Cavaliers ka triumfuar edhe në ndeshjen e pestë radhazi, ku për kundërshtar kishte Washington Wizards 106-99.
LeBron James pati paraqitje brilante ku realizoi ‘Triple Double’, të 61 në karrierën e tij.
32-vjeçari shënoi 20 pikë bëri 15 asistime dhe pati 12 kërcime në fitoren e Cavaliers.
Megjithatë koshashënuesi më i mirë te Cavs ishte Kevin Love me 25 pikë, ndërsa me lojë të mirë u dallua edhe Jeff Green që shtoi 15 pikë të tjera.
Breadley Beal shënoi 27 pikë, pësë kërcime e pesë asistime për Wizards por të pamjaftueshme për fitore.
Cavs mbetën në pozitë e dytë në Konferencën Lindore, ndërkohê Wizards në të tetën dhe janë brenda objektivave që është zona e ‘Play-Off’.
Ka vazhduar forma e mirë e Indiana Pacers që kanë marrë fitoren e 17-të në këtë edicion.
Pacers ishin mysafirë tek Brooklyn Nets dhe triumfuan me 12 pikë diferencë 109-97.
Victor Oladipo i udhëqi Pacers me 26 pikë të shënuara, ndërsa me paraqitje të mirë u dalluan edhe dyshja Sabomis dhe Turner që realizuan 17 respektivisht 16 pikë.
Në ndeshjet tjera fitore morën edhe Detroit Pistons që mposhtën Orlandon me rezultat të ngushtë 114-110 dhe Toronto Raptors që para tifozëve të vet mposhti Sacramenton 108-93. /Telegrafi/
Rezultatet:
Toronto Raptors – Sacramento Kings 108-93
Detroit Pistons – Orlando Magic 114-110
Cleveland Cavaliers – Washington Wizards 106-99
Brooklyn Nets – Indiana Pacers 97-109
