Mbrëmë janë zhvilluar katër ndeshje në ligën më të fortë të basketbollit në botë NBA.
E padyshim që takim më interesant u zhvillua në palestrën Toyota Center të Houston Rockets.
Ky i fundit ka pësuar humbje në minutat e fundit prej Atlanta Hawks me rezultat 113-108, transmeton Telegrafi.
Basketbollisti më efikas te Hawks ishte Tim Hardaway me 33 pikë ndërsa Dwight Howard regjistroi ‘double-double’ në saje të 24 pikëve dhe 23 kërcimeve.
Te vendasit më i miri ishte i zakonshmi James Harden me 41 pikë, 8 kërcime dhe po aq asistime, por të cilat nuk ishin të mjaftueshme për fitore. Clint Capelas i mungoi edhe një kërcim që të regjistroi ‘double-double’ ndërsa shënoi 22 pikë.
Pas kësaj, Atlanta ka 29 fitore dhe 21 humbje ndërsa Rockets regjistroi 17 humbje dhe 36 fitore. /Telegrafi/
Rezultatet tjera:
Wizards 116-108 Lakers
Spurs 102-86 Philadelphia
L.A.Clippers 120-133 Golden State
