James Blunt ia ka kushtuar këngën e re babait të tij të sëmurë dhe ka qarë në klip

Kantautori britanik, James Blunt, i cili është i njohur për baladat sentimentale, këngën e re “Monster” ia ka kushtuar babait të tij të sëmurë.

Është fjala për një këngë, e cila i prek të gjithë, ndërsa në videoklipin e këngës, ai i interpreton në mënyrë shumë emocionale vargjet e këngës.

Muzikanti i njohur qan në videon muzikore, ndërsa qëndron pranë babait të tij, i cili po lufton me fazën e katërt të sëmundjes kronike të veshkave.

Në vitin e kaluar, gjatë një emisioni televiziv, Blunt kishte folur për sëmundjen e rëndë me të cilën përballet babai i tij dhe kishte kërkuar ndihmë nga dhuruesit e organeve.

“Kam ardhur t’ju pyes se çfarë grupi gjaku jeni. Në jetën time po ndodhin disa gjëra për të cilat nuk është dashur të shkruaj. Babai im nuk është aspak mirë, ka nevojë për një veshkë të re dhe për dhurues të veshkës”, kishte thënë asokohe këngëtari. /Telegrafi/