Legjenda e Real Madridit, Guti nuk është shumë i kënaqur me taktikat që po shikon nga trajneri i Real Madridit, Carlo Ancelotti, këtë sezon.
Real Madridi nuk ka bindur ende plotësisht këtë sezon dhe kjo ka bërë që trajneri dhe ekipi të marrin kritika nga një legjendë e klubit.
“Jam i shqetësuar për lojën e Real Madridit. Fokusi është shumë te Mbappe sepse kishte shumë pritshmëri ndaj tij, shiriti ishte shumë i lartë”, ka thënë fillimisht Guti në një intervistë.
“Tani, e gjithë loja e Real Madridit përmblidhet nëse Mbappe po luan mirë apo jo”.
“Mendoj se Mbappe është në një ekip që nuk luan mirë. Nëse skuadra nuk luan mirë, është shumë e vështirë që një lojtar i vetëm t’i bëjë gjërat mirë. Ky është realiteti”.
“Taktika e Ancelottit? Nuk e kuptoj. Ka pasur vetëm një ndryshim, që ishte Mbappe për Kroos dhe skuadra nuk funksionon. Ky është realiteti, realiteti është që skuadra nuk funksionon”.
“Ata i fitojnë ndeshjet sepse ka aq shumë cilësi në ekip, sa në fund, në detaje të vogla, Real Madridi fiton ndeshje, por ndeshjet nuk kanë qenë të mira”, përfundoi legjenda e Los Blancos.
Guti ende beson se Real Madrid ka skuadrën më të mirë që ka pasur që nga Galacticos. Los Blancos kanë fituar 8 nga 12 ndeshjet e para të sezonit, duke barazuar tre dhe duke humbur një. /Telegrafi/