Ka pasur shumë raste, që një veturë klasike, është shitur për shuma enorme edhe pse ishte shumë e vjetër. Por, ky Jaguar E-Type i vitit 1965, është krejtësisht i ndryshkur.
Modeli i përket koleksionit prej 19 njësive, që kanë timonin në anën e majtë, për të cilin Enzo Ferrari – themeluesi i markës italiane – ka thënë se është vetura më e bukur, e ndërtuar ndonjëherë, transmeton Telegrafi.
Mirëpo, kreatori i veturave do mbetej i zhgënjyer, po ta shihte gjendjen e tanishme të këtij Jaguri, pasi u la për dekada në një fermë në Yorkshire të Anglisë, për tu gjetur rastësisht nga një punonjës.
Pasi doli në ankand, për këtë veturë dikush pagoi 48 mijë euro – çmim që konsiderohet të jetë tri herë më i vogël, nga ajo që do të arrihet pasi të jetë riparuar.
E regjistruar më 27 janar të vitit 1965, kjo veturë ka pasur të njëjtin pronar, që për arsye të panjohura e ka braktisur për ta lënë të vjetrohet në kohë. /Telegrafi/
