Prokurori Special Jack Smith dhe ekipi i tij në Departamentin e Drejtësisë që hetuan dhe akuzuan Donald Trumpin, do të tërhiqen para se presidenti i sapozgjedhur të marrë detyrën dhe të përmbushë premtimin për ta shkarkuar atë.
Duke i dhënë fund dy çështjeve federale të pazgjidhura kundër Trump, Smith mund të lëshojë një raport të plotë dhe të bëjë çdo referim penal përpara se Trump të marrë detyrën, transmeton Telegrafi.
Departamenti i Drejtësisë ka një politikë të kahershme që një president në detyrë nuk mund të ndiqet penalisht, as një president nuk mund të falet vetë.
Ndryshe Trump gjatë fushatës zgjedhore pati premtuar se nëse arrin të fitojë zgjedhjet në SHBA, do të shkarkojë prokurorin special Jack Smith.
E duke marrë parasysh se edhe pas zgjedhjeve ka deklaruar se do të mbajë premtimet e dhëna, Huffington Post shkruan se Smith do të japë dorëheqje. /Telegrafi/
