Kur themeluesi i Alibaba, Jack Ma u tërhoq muajin e kaluar nga drejtimi i kompanisë, nuk ishte një vendim që e mori lehtë.
55 vjeçari në muajin shtator të 2018-së tha se do të tërhiqej si kryetari i bordit drejtues duke i dhënë fund 20 vjetëve pranë gjigantit të teknologjisë, ku së fundi ai tha se ishte një plan që e kishte nisur që prej një dekade.
Duke folur në konferencën Global CEO të Forbes, Ma tha se që prej 2004 e kishte menduar tërheqjen, por ishte viti 2009, kur kompania e tij mbushi 10 vite, që filloi të bënte planet e largimit, përcjell Telegrafi.
“Atë ditë thashë se në 20 vjetorin tim në kompani, më 10 shtator 2019 do të tërhiqem”, tha Ma.
Ai shpesh ka thënë se do të dëshironte që kompania të cilën e themeloi në 1999 të jetonte për 102 vite. Për këtë ai tha se ka ekipi i kompanisë ka ndërtuar një sistem udhëheqje, i cili vlerëson mënyrat e reja të të menduarit dhe punuarit. Një sistem sipas tij që trajnon dhe krijon liderët e së nesërmes.
Ma u zëvendësua në krye të Alibaba nga shefi i grupit Daniel Zhang i bindur në aftësitë dhe strategjinë e tij të udhëheqjes. /Telegrafi/