Jack Grealish e pranon se nuk ka fjetur që kur fitoi Ligën e Kampionëve, më pas e quan veten një gjeldeti

Mund të mos jetë aq befasuese për shumë njerëz që e lexojnë këtë, por gjithsesi është e vërtetë. Jack Grealish nuk ka fjetur asnjë minutë që kur Manchester City ngriti trofeun e Ligës së Kampionëve të shtunën mbrëma.

Kjo është sipas vetë yllit anglez, i cili foli rreth dy ditëve të fundit gjatë një parade kaotike pas fitimit të tripletës që e shfaqi atë në një gjendje shumë të disponuar nga pija.

Pasi pranoi se humbi zërin e tij pasi festoi pas fitores së tyre 1-0 ndaj Interit, Grealish vazhdoi ta jepte disa deklarata interesante.

“Ka qenë dita dhe nata më e mirë e jetës sime. Sinqerisht nuk mendoj se kam fjetur”, deklaroi Grealisht, përpara se ta quante veten “një gjeldeti që ka nevojë të ushqehet” gjatë një paraqitjeje në skenë.

Lexo po ashtu ‘Të lutem mos shko!’ - Jack Grealish xhirohet duke e lutur Bernardo Silvan të mos largohet

Pak çaste më vonë, shoku i skuadrës Kalvin Phillips u shfaq duke derdhur pak vodka në gojën e tij ndërsa lojtarë si Kyle Walker dhe Bernardo Silva e brohorisnin emrin e tij.

Anglezi 27-vjeçar, i cili ka qenë një nga lojtarët më të spikatur të Cityt këtë sezon, po kalonte momentin e jetës së tij gjatë gjithë ngjarjes të së hënës, me pamjet e fansave të shpërndara shumë në rrjetet sociale.

Më poshtë mund ta shikoni disa nga momentet më interesant ku Grealish ishte i përfshirë në festë. /Telegrafi/