Me urdhër të kryetarit paralele të kryetarit të Leposaviqit, Zoran Todiq, me nofkën “Zuzi”, është larguar nga zyra kryetari aktual i zgjedhur nga zgjedhjet e fundit lokale sipas ligjeve të Kosovës, Dragan Jabllanoviq, i cili është babai i ish-ministër i Qeverisë Mustafa, Aleksandër Jabllanoviq.
Sipas fotografive të siguruar nga Tribuna Channel për largimin e kryetarit Jabllanoviq kanë marrë pjesë edhe nëna dhe motra e kryetarit të listës serbe, Sllavko Simiq.
Nëna Radojka dhe motra Sllagjana Simiq, siç shihet në këto fotografi, aktivisht janë marrë me mbledhjen e njerëzve për largimin e kryetarit Dragan Jabllanoviq.
Jo zyrtarisht mësohet se tensionet janë rritur pas ndarjes në dysh të Listës serbe.
Kujtojmë se Aleksandër Jabllanoviq ditë më parë ka regjistruar partinë e tij, të quajtur “Partia serbëve të Kosovës”, duke u bazuar dhe respektuar në tërësi Kushtetutën e Republikës së Kosovës.
Ndonëse nuk është vërtetuar, sipas dëshmitarëve në vendin e ngjarjes, Jabllanoviqët janë quajtur tradhtarë pikërisht për këto veprime.
