Derisa konsumi i çokollatës së famshme zvicerane në nivel global është në rritje, në tregun vendës ka rënë dukshëm shitja në krahasim me vitet e mëparshme. Po ashtu rënie raportohet edhe në eksportin kryesor të tregut në Gjermani dhe Britani të Madhe.
Në industrinë zvicerane të çokollatës thonë se rënia është kompensuar nga rritja e kërkesës në rajone të tjera. Pjesa e tregut të huaj më 2014 është rritur për 62.8 për qind në krahasim me 2013, kur ishte 61.2 për qind.
Shitjet në tregun e brendshëm, sipas të dhënave në industrinë e çokollatës, kanë shënuar rënie më 2014, prej 1.4 për qind.
Industria e çokollatës zvicerane, e cila ka 18 fabrika, më 2014 regjistroi rritjen e të ardhurave prej 2.7 për qind, në 1.72 miliardë franga, pavarësisht rënies në shitjet e brendshme. /Telegrafi/