Anjeza Shabani është administratorja e një kopshti privat në Tiranë, video e së cilës duke dhunuar në mënyrë mizore një fëmijë vetëm 3 vjeç në ambientet e kopshtit, është publikuar sot në media nga emisioni investigativ Stop.
Po kush është Anjeza Shabani?
Ajo ka mbaruar Fakultetin e Historisë dhe Filologjisë, dega Gazetari në vitin 2007, shkruan Opinio.al.
Pastaj ka punuar si gazetare në disa media të ndryshme, gazeta, radio dhe televizione. Ku së fundi bashkë me bashkëshortin e saj, kanë menduar të hapin edhe një kopësht privat në zonën e Saukut.
Vetëm pak momente pas publikimit të videos, njerëz të ndryshëm kanë hyrë në faqen në Facebook të kopshtit duke e sharë dhe mallkuar gruan që gjuante me sa fuqi të kishte një fëmijë të pambrojtur, që vetëm qante dhe nuk kishte mundësi të thoshte asgjë.
