Me përjashtim të vitit 2017, Apple ka njoftuar produkte të reja çdo mars që nga viti 2015 dhe rezulton se ky muaj nuk do të jetë ndryshe. iPad Pro Apple Event mund të zhvillohet në 23 mars.
Jon Prosser dhe DuanRui po raportojnë se ngjarja e ardhshme virtuale e Apple është planifikuar për të martën, 23 mars. Pritet të prezantohen edhe AirTags, të cilat janë vonuar disa herë, dhe seritë iPad Pro (2021), transmeton Telegrafi.
Ky i fundit thuhet se do të ofrojë mbështetje opsionale të rrjetit 5G dhe do të ketë një çip të fuqishëm A14X Bionic që është në gjendje të përputhet me performancën e çipave të Apple M1.
Produkte të tjerë që mund të bëjnë një paraqitje në aktivitet përfshijnë AirPods të gjeneratës së tretë të Apple dhe një TV të ri Apple. Të dy këto produkte janë gati për lansim, sipas burimeve të Prosser, por një njoftim nuk është i garantuar.
Sa i përket iPhone SE Plus të përfolur, telefoni nuk ka gjasa të bëjë një paraqitje.
Kjo nuk është hera e parë që ngjarjet e Apple dhe OnePlus përplasen
Në një shënim të veçantë, ngjarja tjetër e Apple duket se do të përplaset me njoftimin e serisë OnePlus 9, i cili gjithashtu është planifikuar të zhvillohet në 23 mars. Interesante, kjo nuk është hera e parë që kjo ka ndodhur.
Në tetor 2018, OnePlus u detyrua të lëvizë ngjarjen e saj të prezantimit OnePlus 6T kur Apple zgjodhi të njëjtën ditë për ngjarjen e saj në tetor, ku përfundimisht prezantoi iPad Pro (2018) të ridizenjuar.
Nëse OnePlus do t’i përmbahet datës së tij origjinale ose do të detyrohet të lëvizë ngjarjen e tij OnePlus 9 për të akomoduar Apple do të mbetet për tu parë. Por nëse të dy ndodhin në të njëjtën ditë, 23 marsi mund të jetë një nga ditët më të ngarkuara të teknologjisë së vitit. /Telegrafi/