Festivali i shumë-përfolur i muzikës elektronike – Zone Fest do të fillojë sot, dhe performancat e shumta muzikore nga dhjetëra DJ nuk do të ndalen deri të dielën.
Siç është thënë tashmë, ky festival do të ofrojë 42 orë muzikë, 24 DJ të huaj dhe vendor si dhe dy skena të ndara në të cilat performohet vazhdimisht.
Në këtë ngjarje të madhe të muzikës janë konfirmuar tashmë emrat e DJ-ve ndërkombëtarë sikurse John Digweed, Steve Lawler, Magda, Guti, Nino Flooder, Mathias Tanzmann, Premiesku, Nikifor dhe Anascole, ndërkaq disa nga emrat vendor të muzikës elektronike përfshijnë Hajdar Berishën, Jehonë, Toton, Minimim, Dardan, Vegim, Noki dhe jo vetëm.
ZoneClub është kujdesur që në secilin qytet të madh të Kosovës dhe rajonit t’i ketë biletat në dispozicion, ndërkaq ka ofruar edhe mundësinë e blerjes së biletave online.
Në këtë link mund t’i shihni të gjitha vendet ku ZoneClub është duke i shitur biletat për Zone Fest.
ZoneFest është mundësuar nga platforma më e madhe e muzikës në Kosovë, WinMusic Freedom.