Izraelitët publikojnë pamjet që i gjetën brenda qendrës së Hamasit, militantët torturojnë civilë të pafajshëm palestinezë

Ushtria izraelite ka zbuluar qindra orë pamje të torturimit të civilëve të pafajshëm palestinezë në Gaza nga ana e militantëve të Hamasit.

Pamjet rrëqethëse shfaqin burrat e burgosur me thes në kokë dhe duart e lidhura me zinxhirë, duke qëndruar në pozita që shkaktojnë dhimbje të mëdha.

Një burrë dëgjohet duke bërtitur nga dhimbjet e mëdha derisa goditet me shkop nga një militant i Hamasit, transmeton Telegrafi.

Në videon e publikuar shfaqen pamjet brenda një baza ushtarake të Hamasit në veri të Gazas, brenda të cilës në fillim të këtij viti u fut ushtria izraelite për të kryer bastisje.

Pamjet janë marrë nga kompjuterët e sekuestruar në hapësirën e braktisur brenda kampit të refugjatëve në Jabalia.

Mbetet e paqartë se pse këta burra ishin mbajtur në këtë qendër ushtarake si dhe arsyet se pse ishin torturuar nga Hamasi. /Telegrafi/