Dy persona janë vrarë dhe pesë të tjerë janë plagosur në Libanin jugor pasi një dron izraelit goditi një veturë dhe një motoçikletë, sipas mbrojtjes civile libaneze.
Siç raportohet, një dron izraelit ka goditur midis qyteteve Mays al-Jabal dhe Chaqra në rrugën për në Al Qala, duke rezultuar në dy të plagosur.
Një sulm i dytë në një motoçikletë në rrugën Mays al-Jabal-Chaqra pranë kështjellës Dubayeh rezultoi në dy viktima dhe tre lëndime të tjera, në mesin e të plagosurve edhe një fëmijë i cili ndodhet në gjendje kritike, shkruan AA, përcjell Telegrafi.
Bëhet e ditur se ekipet e urgjencës kanë transportuar të plagosurit në Spitalin Qeveritar Tebnine.
Ndërkohë, deri më tani, nuk ka pasur asnjë koment nga pala izraelite për incidentin.
Ndryshe, ky ishte sulmi i parë vdekjeprurës izraelit në Liban që nga sulmi me raketë i Hezbollahut në Izrael që vrau 12 persona.
Grupi militant ka mohuar përfshirjen në atë sulm. /Telegrafi/