Sekretari shtetëror në ministrinë e Serbisë për Kosovë, Oliver Ivanoviq ka deklaruar se Qeveria e Kosovës pavarësisht kërcënimeve nuk do të bllokojë mallrat nga Serbia.
"Kjo nuk është politikë zyrtare e Prishtinës, por e disa politikanëve që kështu testojnë se cili do të ishte reagimi", ka thënë Ivanoviq, pasi sipas tij nga ndalimi i hyrjes së mallrave të Serbisë në Kosovë do të humbasin të dy palët, ndërsa do të përfitonin ndërmjetësuesit.
Ekspertë të ekonomisë kanë kërkuar nga Qeveria e Kosovës që të ndalohet hyrja e mallrave në Kosovë nga Serbia dhe Bosnjë e Hercegovina, pasi të njëjtat vende për më shumë se një muaj nuk po lejojnë hyrjen në këto vende të prodhimeve të Kosovës.