Kryetari i Republikës së Maqedonisë, Gjorgje Ivanov, e përfundoi takimin me gjeneral Jozef Beçvar, shefi i Shtatmadhorisë të forcave të armatosura të Republikës Çeke, i cili qëndron në vizitë zyrtare në Maqedoni, transmeton Telegrafi Maqedoni.
Në takim janë këmbyer mendime për marrëdhëniet e gjithmbarshme dypalëshe midis dy vendeve, gjatë të cilit u shpreh kënaqësia e mbajtjes së dialogut në nivel të lartë në të gjitha sferat e interesit të përbashkët.
Ivanov e ka shprehur rëndësinë e përkrahjes që Çekia ua jep integrimeve euroatlantike të Maqedonisë, dhe shprehi pritje se ajo do të vazhdojë në periudhën e ardhshme.
„Presim përkrahje konstruktive në periudhën e ardhshme dhe lobim të hapur të Çekisë në suaza të NATO për realizim sa më të shpejtë të ftesës për anëtarësim të Republikës së Maqedonisë në Aleancë“, ka thënë Ivanov në këtë takim.
Të dy bashkëbiseduesit janë pajtuar që e interesit të përbashkët është intensifikimi i bashkëpunimit midis dy ushtrive, përmes vendosjes së një dinamike më të lartë në sferën e mbrojtjes./Telegrafi/