Fituesja e edicionit të tretë të Big Brother VIP Albania, Egla Ceno, i është përgjigjur kritikave që mori në internet pasi iu referua Gjestit si “djaloshi kosovar”.
Ajo pak ditë më parë kishte deklaruar se nuk e shihte këtë të fundit si fitues të këtij edicionit, por njerëzit iu kapën nga termi “kosovar”.
“Një djalosh kosovar që është në Big Brother të Shqipërisë. Jo, nuk e shoh fitues”, deklaroi Ceno në një intervistë për RTSH-n.
Siç duket, shumë i kishin reaguar për këtë, për çka aktorja e ndjeu si nevojë të reagonte përmes një postimi në rrjetet sociale.
“Të gjithë ata injorantë që janë prekur nga fjala ‘kosovar’, ju bëj me dije se jeni fundi i fundit! Të jesh kosovar është krenari! Kush mendon ndryshe është qelbësirë. Tung! Lovju Kosova, lovju kosovarë”, shkroi Egla në postimin e saj. /Telegrafi/