Jamie Spearsit iu pre këmba një muaj më parë pasi shëndeti i tij vazhdon të përkeqësohet.
Burimet i thanë TMZ se babai i këngëtares kishte një infeksion masiv në njërën nga këmbët e tij që e pa atë të shtruar në spital në tetor për javë të tëra.
Jamie thuhet se iu nënshtrua gjithsej pesë operacioneve për të luftuar infeksionin, por në fund u detyrua t’i amputohej këmba.
I njëjti vuante nga një infeksion që rrjedh nga një operacion për zëvendësimin e gjurit që ai kishte 16 vjet më parë.
71-vjeçari ka humbur mbi dhjetë kilogramë për shkak të problemeve të tij shëndetësore.
Për më tepër, TMZ thotë se krijuesja e hitit “Gimme More” – e cila dikur tha se donte që Jamie të ishte në burg për shkak të abuzimit 13 vjeçar – i mungon babai dhe madje ka folur për t’i dërguar para për ta ndihmuar.
Page Six zbuloi në tetor se Jamie ishte shtruar në spital si rezultat i infeksionit.
“Ai është shtruar në spital për javë të tëra në një institucion special të sëmundjes infektive”, thuhej asokohe.
Jamie ka kontrolluar çdo gjë rreth vajzës së tij, Britney, për 13 vjet me radhë. /Telegrafi/
