Nënkryetari i AAK-së, Ahmet Isufi, që njëherësh është shef i deputetëve të kësaj partie, ka thënë se që nga dita e parë qeveria nuk ka pasur komoditet për shkak të numrave të brishtë.
Isufi, në “Debat Plus” me Ermal Pandurin në RTV Dukagjini, ka thënë se për shkak të nivelit të votave që mund ta rrezikojnë në çdo kohë Qeverinë ata kanë qenë në punë vazhdimisht dhe pa ndonjë dallim në periudha kohore.
Ai thotë se edhe në bazë të sondazheve AAK ka një rritje që as ata vetë nuk e kanë pritur.
Nënkryetari i AAK-së thotë se qeveria është duke funksionuar mirë, ndërsa raportet me NISMA-n janë “më të mira në nivelin e mundshëm”.
Kryetari i Grupit Parlamentar të AAK-së ka thënë se Haradinaj është i gatshëm të largohet nga posti i kryeministrit por jo edhe ta largojë taksën.
“Taksa ndaj produkteve serbe ka qenë strategji për Kosovën e jo për Haradinajn”, tha ndër të tjera Ahmet Isufi./Telegrafi/