Deputetin e Lëvizjes Vetëvendosje, Ismajl Kurteshin, nesër mund ta shohim në mes të protestuesve.
Në emisionin “Kontakt” me Valdrin Krasniqin në Tribuna Channel, ai ka thënë se ende nuk ka marr vendim përfundimtar, porse është kundër çfarëdo marrëveshje që është në kundërshtim me interesat e vendit.
“Se a do të jem nesër në mesin e protestuesve do ta marr një vendim dhe do ta shohim. Nesër kjo do të bëhet publike”, ka deklaruar Kurteshi.
Kur është pyetur nga gazetari se a do të ketë edhe aktivistë të tjerë të Vetëvendosjes në protestën e nesërme, ai është përgjigjur: “Secili do të duhet të deklarohej për veti. Është e drejtë kushtetuese që qytetarët të protestojnë për çështje të cilat i konsiderojnë që janë të dëmshme për vendin”.
