Shërbimet e urgjencës u vendosën në gatishmëri në një ishull pranë Athinës pas një tërmeti të ri të mërkurën i cili për fat të mirë nuk shkaktoi lëndime apo dëme të rënda.
Sipas mediave të huaja, përcjell Telegrafi, tërmeti me magnitudë 4.9 ka ndodhur në brendësi, pranë bregut perëndimor të ishullit Evia.
I ndjerë në Athinë rreth 70 kilometra (45 milje) në jug, tërmeti i së mërkurës ndodhi pas dy lëkundjeve në fund të nëntorit në jug të ishullit, me magnitudë 5.0 dhe 4.8.
Ekspertët sizmikë zhvilluan një takim urgjent me autoritetin e mbrojtjes civile të qeverisë, i cili u bëri thirrje banorëve në zonat e prekura të shmangin kalimin e natës në shtëpitë e dëmtuara nga tërmeti dhe të jenë vigjilentë për rënien e mbeturinave nëse tërmetet vazhdojnë.
Kryetari i një qyteti të vogël pranë epiqendrës së tërmetit të së mërkurës tha se xhamat u thyen dhe u raportuan dëme të vogla në shtëpi dhe biznese. /Telegrafi/