Ky është momenti dramatik kur policët amerikanë bëjnë të pamundurën që ta shpëtojnë gruan që kishte ngecur në veturën e rrokullisur, dhe që ishte përfshirë nga zjarri në Kansas.
Policia në Leawood i ishin përgjigjur telefonatës për një grua 51-vjeçe të paidentifikuar, që kishte mbetur e ngujuar në veturën e rrokullisur dhe që po digjej, transmeton Telegrafi.
Pasi vetura e saj ishte përfshirë nga zjarri derisa ishte në lëvizje, kishte humbur kontrollin mbi timonin dhe ishte përplasur në një veturë tjetër, ku si pasojë u rrokullis.
Në videon e publikuar më poshtë, shihen tre policë dhe zjarrfikësit që bëjnë të pamundurën për ta nxjerrë gjallë nga mjeti që po digjej.
Ata duhej të tregoheshin të kujdesshëm derisa e nxirrnin, pasi këmbët i kishte lënduar dhe mungonte një lëvizje e pakontrolluar që t’i keqësohet edhe më shumë gjendja.
Për fat të mirë arritën në kohë ta nxjerrin, pra para se rezervuari i veturës që po digjej të shpërthente. /Telegrafi/
