“Ever Given”, anija gjigante e kontejnerëve që ka ngecur në Kanalin e Suezit në Egjipt për gati një javë, është zhvendosur pjesërisht, sipas videove të shpërndara në mediat sociale.
Sipas mediave të huaja, përcjell Telegrafi, “Leth Agecies”, një ofrues i shërbimit të kanalit për Suez dhe rrugë të tjera ujore, shkroi në Twitter të hënën në mëngjes: “Siç mund të shihet nga AIS [Sistemi Automatik i Identifikimit], #EVERGIVEN është zhvendosur pjesërisht. Ndërkohë, të dy TUG Alp Guard dhe TUG Carlo Magno kanë mbërritur dhe po punojnë në zonë”.
?The Ever Given is floating?pic.twitter.com/GNzlzaom8q
— Evan Hill (@evanchill) March 29, 2021
“Ndërsa prisni konfirmimin e mëtejshëm dhe azhurnimet nga SCA [Autoriteti i Kanalit të Suezit], parashikimet e rikthimit plotësisht të #EVERGIVEN duken premtuese. Anijet që aktualisht presin në zonën e #SuezCanal po presin me vëmendje për azhurnimet e skenarit të mundshëm të tranzitit”, ka thënë kompania në një cicërimë postuar rreth një orë më parë.
Ndërkohë Evan Hill, një gazetar për ekipin e Hetimeve Vizuale në New York Times, shkroi në Twitter të hënën: “Ever Given po noton”, duke shpërndarë një video të anijes e cila u postua për herë të parë nga përdoruesi i Twitter @ eslamattia88.
As can be seen from AIS, #EVERGIVEN has been partly moved but the bulbus still aground. Meanwhile, both TUG Alp Guard and TUG Carlo Magno have arrived and are working in the area.#SuezCanal pic.twitter.com/5LU9taf34u
— Leth Agencies (@AgenciesLeth) March 29, 2021
“Anija duket e ngazëllyer”, shkroi Hill në një cicërimë të mëparshme, duke shpërndarë një video tjetër të anijes e cila u postua për herë të parë nga përdoruesi i Twitter @IbrahemFthelbab.
“Anija është rrugës për në portin e Roterdamit, … dhe pritet të arrijë atje në 31 mars”, sipas faqes së internetit. /Telegrafi/