Fredi Lipe, shef i Zjarrfikëses së Përmetit tregoi për Euronews Albania detaje nga shpëtimi i 4 turistëve gjermanë në kanionin e Langaricës.
Lipe tha se turistët kishin 3 orë që ishin të bllokuar në kanion dhe se ishin në panik. Ai nënvizoi se turistët ishin të uritur, por nuk kishin nevojë për ndihmë shëndetësore.
“Në momentin që shkuam t’i shpëtonim, ishin në panik.Kur na panë na përqafuan. Nga ana shëndetësore ishim mirë, por kishin ndjenjën e frikës. Ishin pak të uritur, i gjetëm edhe të lagur. I shoqëruam me makinat tona, i çuam në qytet nuk kishin nevojë për ndërhyrje spitalore. Ata kishin 7 orë që po eksploronin zonën, por të bllokuar kishin prej 3 orësh”, u shpreh ai.
Pasditen e djeshme, 4 turistë gjermanë dhe disa polakë që mbetën të bllokuar në kanionin e Langaricës.
Ata u shpëtuan pak orë më vonë me ndihmën e zjarrfikësve dhe policisë. Aktualisht të 4 turistët ndodhen në gjendje të mirë shëndetësore. /Euronews Albania/
