Një ish-zyrtar i lartë i FBI-së për kundërzbulim është dënuar me katër vjet e dy muaj burg, pasi punoi për një oligark rus që është nën sanksionet e Shteteve të Bashkuara të Amerikës.
Charles McGonigal gjithashtu është gjobitur me 40 mijë dollarë (36400 euro), raporton nypost.
“[McGonigal] e dinte mirë se veprimet e tij shkelnin ato sanksione”, tha gjykatësja federale e Manhatanit, Jennifer Rearden ndërsa jepte dënimin. “Megjithatë, McGonigal vazhdoi përpara”, shtoi ajo, duke e quajtur atë një “rrezik të madh për sigurinë kombëtare”.
Prokurorët thanë se McGonigal u përpoq ta hiqte nga lista e sanksioneve oligarkun rus. Gjykata Federale e Shtetit të Columbias ka konfirmuar sanksionet kundër Deripaskas pasi kishin gjetur provat se ka vepruar si agjent i presidentit rus, Vladimir Putin.
McGonigal iu lut gjykatësit për ‘mëshirë’, duke shpjeguar se ai kishte kërkuar këshillim dhe se ishte “i turpëruar” që kishte kryer një krim si ish-zyrtar në FBI, të cilin ai tha se “i donte dhe e respektonte”.
Duke pasur parasysh historinë si agjent special, McGonigalit iu kërkua të zbulonte kontaktet me zyrtarë të huaj, por ai refuzoi dhe i fshehu ato.
Ndryshe, Deripaska që dikur konsiderohej si njeriu më i pasur në Rusi, ai këtë e krijoi duke privatizuar asetet shtetërore pas rënies së Bashkimit Sovjetik. /Telegrafi/