Ish-zëdhënësi i NATO-s, Jamie Shea, i cili në vitin 1999, në kohën kur Aleanca Veri-Atlantike bombardonte Serbinë jepte informacionet më të reja lidhur me zhvillimet dhe ecurinë e fushatës ajrore sot do ta vizitojë Kosovën.
Shea do të takohet me kryeministrin Ramush Haradinaj në orën 14:30.
Ish-zëdhënësi i NATO-s, Jamie Shea ishte për një vizitë në Kosovë edhe në vitin 2016, kur u dekorua me Çmimin Ndërkombëtar për të Drejtat e Njeriut nga Kolegji AAB, me motivacion për shpëtimin dhe ndihmën refugjatëve gjatë luftës në Kosovë në vitin 1999.
Ai në këtë vizitë kishte thënë se vendimi i NATO-s për të bombarduar forcat serbe ishte i drejtë. /Telegrafi/