Ish-ylli i UFC, Ben Askren pajtohet të përballet me youtuberin Jake Paul

Ish-ylli i peshave të lehta në UFC, Ben Askren është pajtuar që të përballet me Jake Paulin në mars të vitit 2021.

Paul fillimisht do të duelojë me Askrenin, e qëllimi i tij kryesor mbetet një përballje me shokun e Conor McGregorit, Dillon Danis.

Askren ishte pensionuar nga MMA në tetorin e vitit të kaluar, duke u mposhtur nga Demian Maia, por beson se ende ka çfarë të shfaq.

“Po, zotëri Jake Paul, e pranoj (përballjen). E di se më keni ftuar për një luftë pas asaj kundër Nate Robinson”, ka shkruar ish-luftëtari i UFC-së.

“Dhe dëgjoni, është një zgjedhje e thjeshtë. Dëshirojë të bëjë para nga ky duel dhe nga një djalë që pretendon se është atlet”, thuhet më tej në reagim. /Telegrafi/