Ish-lojtari i rugbyt ka shuar familjen e tij, pasi i kishte vënë flakën makinës ku gjendeshin gruaja dhe tre fëmijët e tij.
Rowan Baxter me të kryer vrasjen e familjes së tij, kishte bërë vetëvrasje, derisa këto skena kanë tmerruar Australinë.
Fëmijët e tij, Laianah, Aaliyah dhe Trey, ishin në makinë në momentin kur u krye skena e vrasjes, gjersa ish-ylli i rugbyt vendosi t’i jepte fund edhe jetës së tij.
Mediat australiane raportojnë se gruaja e tij Hannah kishte arritur të shpëtonte nga zjarri që kishte përfshirë makinën, por shkaku i shkallës së rëndë të plagëve të marra, ka ndërruar jetë në spital.
E gjithë ngjarja kishte ndodhur në ora 20:20 në Brisbane të Australisë, ndërsa policia ka konfirmuar vdekjen e tre fëmijëve në vendin e ngjarjes, së bashku me Baxter.
Detektivi Mark Thompson konfirmoi më pas se edhe gruaja e ish-lojtarit kishte vdekur në spital, e që e gjithë ngjarja ishte parë nga të afërmit të tyre.
Sipas dëshmitarëve, Baxter i kishte vënë flakën makinës dhe më pas ishte futur në të, për t’u djegur i gjallë së bashku me familjen e tij.
Ish-ylli i NRL thuhet se kishte mbushur makinën e tij me lëndë djegëse dhe e kishte planifikuar të gjithë skenën e krimit, mirëpo motivet ende nuk janë bërë të ditura dhe ngjarja po hetohet nga autoritetet e vendit. /Telegrafi/
