Ish-ylli i NBA-së, Rajon Rondo, u arrestua në Indiana të dielën për posedim të paligjshëm të armëve të zjarrit, mjeteve të drogës dhe marihuanës.
Është gazetari i njohur apo reporteri i famshëm i NBA-së, Adrian Wojnaroëski, i cili ka dhënë lajmin mbi arrestimin e Rondos.
“Ai u ndalua për shkelje të trafikut dhe oficeri ndjeu erë marihuane, gjë që çoi në kontrollin e makinës në të cilën u gjet një armë, marihuanë për përdorim personal dhe mjete droge”, tha një zëdhënës i policisë.
Rondo u dërgua në burg, pas së cilës ai menjëherë kërkoi lirim me kusht dhe të gjitha akuzat ndaj tij janë kundërvajtje.
Rajon Rondo was arrested on Sunday in Indiana for misdemeanor charges of unlawful possession of a firearm, drug paraphernalia and marijuana, per @WDRBNews. pic.twitter.com/xW8b9HL1A8
— Yahoo Sports (@YahooSports) January 30, 2024
Në një karrierë të pasur në NBA që zgjati 16 vjet, Rondo luajti për Boston, Dallas, Sacramento, Chicago, New Orleans, Los Angeles Lakers, Atlanta, LA Clippers dhe Cleveland, ku angazhimi i tij i fundit në NBA ishte në vitin 2022.
Ai ishte dy herë kampion i NBA-së, mori pjesë katër herë në lojën All-Star dhe mori çmime të shumta individuale si asistuesi më i mirë, vjedhësi i topave, anëtar i pesëshes mbrojtëse dhe disa tjera.
Kujtojmë se në vitin 2022 gruaja e tij e ka denoncuar pasi ai e kërcënoi se do ta vriste dhe në atë kohë ai kishte edhe një armë dhe po thyente gjithçka përreth shtëpisë.
Vitin e kaluar ai kishte një problem të ri me një shkelje të ngjashme, kur e njëjta bashkëshorte kërkoi ndihmë, por edhe ai rast u mbyll me marrëveshje. /Telegrafi/