Federico Bernardeschi është yll i Torontos dhe një nga lojtarët më të paguar në ligën amerikane MLS.
Bernardeschi mbërriti në Kanada si lojtar i lirë dy vjet e gjysmë më parë nga Juventusi dhe nënshkroi një kontratë sipas së cilës fiton pak më pak se 5 milionë euro në vit.
Vetëm pesë vite më parë, sulmuesi italian mbërriti te Juventusi për 40 milionë euro nga Fiorentina.
Në Torino besonin se Bernardeschi do të bëhej një nga lojtarët kryesorë të klubit, por ai nuk i përmbushi pritjet dhe në fund Juventusi nuk arriti të kthejë asnjë euro të investuar pas largimit të tij.
Ai luajti 39 ndeshje për Kombëtaren e Italisë dhe shënoi gjashtë gola, duke u shpallur kampion i Evropës në vitin 2021.
Në Toronto është një nga lojtarët kryesorë të skuadrës dhe pamja e tij fizike ka ndryshuar ndjeshëm.
Klubi publikoi një intervistë me të dhe duke parë videon, shumica e fansave nuk e njohën atë.
Always. Ready.
Homemade Pt.2: Offseason with Federico Bernardeschi in Turin 🇮🇹 | All For One presented by @Bell
Full Episode 📺: https://t.co/qx7FQOvK9o pic.twitter.com/pUd4nvB3HS
— Toronto FC (@TorontoFC) January 17, 2025
Bernardeschi ka bërë një operacion plastik në fytyrën e tij që e bën atë të duket dukshëm më i vjetër. /Telegrafi/