Site icon Telegrafi

Ish-ylli i Chelseat ndihmon në shpëtimin e 100 personave nga përmbytjet në Brazil

Bardh Maxhuni

Ish-sulmuesi i Atletico Madrid dhe Chelsea , Diego Costa, ishte një hero me rroba civile këtë fundjavë, pasi ai ndihmoi në shpëtimin e 100 personave nga përmbytjet në Rio Grande do Sul të Brazilit.

Brazili u godit nga përmbytjet që kanë marrë jetën e të paktën 67 personave dhe 101 të tjerë raportohen të zhdukur. Rreth 69,000 mijë persona kanë mbetur pa shtëpi dhe 13,000 mijë të tjerë janë në strehimore.

Shteti ka një popullsi prej 11 milionë banorësh dhe 421,000 mijë shtëpi janë ende pa energji elektrike. 115 qytete janë gjithashtu pa shërbime telefonike dhe interneti.

Sipas Cadena SER, Costa u kthye nga stërvitja dhe pyeti një nga tifozët e Gremios në zonë, klubi ku ai luan, se si mund të ishte i dobishëm.

Pasi iu shpjegua se ku ishin njerëzit në nevojë, Costa u hodh në xhipin e tij dhe mblodhi jet ski-t e tij, më pas filloi t’i transportonte njerëzit e bllokuar nga përmbytjet drejt zonave të shpëtimit ku si pasojë e veprimit të tij bujar 100 persona i shpëtuan më së keqes.

“Jam 56 vjeç dhe udhëtoj me Geralin (tifozin e Gremios) për gjithçka. Atë që bëri Diego sot, nuk e kisha parë kurrë më parë. Ai mbërriti disa muaj më parë, la veturën në ujë dhe mori jet ski-n e tij dhe të miqve të tij”, tha një nga personat e përfshirë.

Costa iu bashkua Gremios në shkurt dhe që atëherë e ka shijuar aventurën në Brazil duke shënuar gjashtë gola dhe duke dhënë një asistim në dhjetë ndeshje të luajtura deri më tani, pasi erdhi si zëvendësim i Luis Suarez i cili u transferua në MLS tek Inter Miami.

Exit mobile version