Ish luftëtari i UÇK-së, nga Batalionit Atlantiku i përbërë nga shqiptarë të ardhur SHBA, Uk Lushi, ka kujtuar kohën luftës në Kosovë, duke përcjellur një mesazh.
Lushi, përmes një postimi në Facebook, ka publikuar një video-incizim të bërë gjatë pranverës së vitit 1999, ka treguar bashkëluftëtarët e tij, që kishin marr rrugë nga përtej Atlantiku për t’i dalë zot atdheut.
Postimi i Lushit:
“Kur me qindëra-mijëra iknin, disa qindra shkonim drejt parzmoreve të ushtarëve serbo-jugosllav.
Historia nuk mund ndryshohet. Të gjithë kemi histori. Pa pranim të historisë nuk ka të ardhme.
Nuk e dija që ekzistonte, sepse nuk është dalë për 21 vite, por sonte ma dërgoi dikush me këtë mesazh:
LIRIA KA EMËR DHE ATA QË E HARROJNË APO NUK E RESPEKTOJNË HISTORINË RREZIKOJNË T’U PËRSËRITET HISTORIA SI TRAGJEDI.
#LiriaKaEmer
#FreedomHasAName”, ka shkruar Lushi. /Telegrafi/
