Kamerat e sigurisë kanë filmuar lëvizjet e Sergei dhe Yulia Skripal derisa po shëtisnin me veturë në qytetin Salisbury, vetëm disa orë para se të helmoheshin me agjent nervor.
Daily Mail ka publikuar videon, ku shfaqet ish-spiuni rus duke vozitur veturën e tipit BMW rreth orës 13:33, vetëm disa orë para se të gjendej pavetëdije, transmeton Telegrafi.
Vetura me pesë dyer shihet duke lëvizur nëpër një lagje të banueshme dhe më pas është parë në qendër të qytetit, ku besohet se dyshja e kishin parkuar në Sainsbury dhe ishin nisur drejt një pabi me emrin The Mill.
Kjo veturë e ish-agjentit gjatë mbrëmjes së kaluar është marrë nga ushtria për ekzaminime të mëtutjeshme. Besohet se vetura që është vozitur nga Skripal, 66-vjeç, mund të jetë spërkatur me agjent nervor që helmoi viktimat. /Telegrafi/
