Kryeministrja italiane Giorgia Meloni tha sot se është ndarë nga partneri i saj, gazetari televiziv Andrea Giambrun, i cili javët e fundit është kritikuar për komentet seksiste të bëra në dhe jashtë transmetimit.
“Këtu përfundon lidhja ime me Andrea Giambrun, e cila zgjati gati 10 vjet”, ka shkruar Meloni në rrjetet e saj sociale.
“Rrugët tona kanë ndryshuar për disa kohë dhe është koha ta pranojmë”, shtoi ajo, transmeton Telegrafi.
Giambruno është drejtuesi i një programi informativ të transmetuar nga Mediaset, pjesë e grupit mediatik MFE në pronësi të trashëgimtarëve të të ndjerit Silvio Berlusconi, ish-kryeministër dhe aleat i Melonit.
Për dy ditë të kësaj jave, një tjetër emision i Mediaset transmetoi video nga programi i Giambrunos, ku ai fliste në mënyrë të papërshtatshme me një kolege dhe dukej se e joshte.
“Pse nuk të takova më parë”, i thotë ai.
Në një video tjetër më eksplicite të transmetuar të enjten, Giambruno mund të dëgjohet duke u mburrur për marrëdhënien, dhe duke u thënë kolegeve se mund të punojnë për të nëse bëjnë seks në grup.
“E dini që kam një aferë s*****, gjithë Mediaset e di këtë, dhe tani edhe ju, por ne kemi nevojë për një pjesëmarrës të tretë për një treshe dhe gjithashtu për një katërshe”, ai i tha një prej kolegëve të tij.
“Më lejoni t’ju pyes, a doni të bëheni pjesë e grupit tonë në punë, por duhet të na jepni diçka në këmbim. Duhet të bëheni pjesë e grupit tonë, ne të katër bëjmë seks. Duhet të jeni me ne”, i tha ai. /Telegrafi/
Adesso basta! Il comportamento maschilista e sessista di Andrea Giambruno nei confronti delle donne, compreso quelle che lavorano con lui, è inaccettabile!
Le frasi da lui espresse vanno ben oltre una goliardica complicità e sono un insulto verso tutte le vittime di molestie… pic.twitter.com/LJr6ZjgXwy— Iacopo Melio (@iacopo_melio) October 19, 2023