Kryeministrja italiane Giorgia Meloni tha sot se është ndarë nga partneri i saj, gazetari televiziv Andrea Giambrun, i cili javët e fundit është kritikuar për komentet seksiste të bëra në dhe jashtë transmetimit.
“Këtu përfundon lidhja ime me Andrea Giambrun, e cila zgjati gati 10 vjet”, ka shkruar Meloni në rrjetet e saj sociale.
“Rrugët tona kanë ndryshuar për disa kohë dhe është koha ta pranojmë”, shtoi ajo, transmeton Telegrafi.
Giambruno është drejtuesi i një programi informativ të transmetuar nga Mediaset, pjesë e grupit mediatik MFE në pronësi të trashëgimtarëve të të ndjerit Silvio Berlusconi, ish-kryeministër dhe aleat i Melonit.
Për dy ditë të kësaj jave, një tjetër emision i Mediaset transmetoi video nga programi i Giambrunos, ku ai fliste në mënyrë të papërshtatshme me një kolege dhe dukej se e joshte.
“Pse nuk të takova më parë”, i thotë ai.
Në një video tjetër më eksplicite të transmetuar të enjten, Giambruno mund të dëgjohet duke u mburrur për marrëdhënien, dhe duke u thënë kolegeve se mund të punojnë për të nëse bëjnë seks në grup.
“E dini që kam një aferë s*****, gjithë Mediaset e di këtë, dhe tani edhe ju, por ne kemi nevojë për një pjesëmarrës të tretë për një treshe dhe gjithashtu për një katërshe”, ai i tha një prej kolegëve të tij.
“Më lejoni t’ju pyes, a doni të bëheni pjesë e grupit tonë në punë, por duhet të na jepni diçka në këmbim. Duhet të bëheni pjesë e grupit tonë, ne të katër bëjmë seks. Duhet të jeni me ne”, i tha ai. /Telegrafi/
https://twitter.com/iacopo_melio/status/1715122555684634970?ref_src=twsrc%5Etfw%7Ctwcamp%5Etweetembed%7Ctwterm%5E1715122555684634970%7Ctwgr%5E077a5b24e3fe1f841fadb4bf0b3f087559aedd0a%7Ctwcon%5Es1_&ref_url=https%3A%2F%2Fwww.index.hr%2Fvijesti%2Fclanak%2Fbivseg-partnera-giorgie-meloni-kritiziraju-zbog-seksistickih-komentara-sto-je-rekao%2F2505657.aspx