Ish-papa Benedikti XVI dështoi të vepronte për katër raste të abuzimit të fëmijëve derisa ishte kryepeshkop i Mynihut, zbulon një hetim gjerman në Kishën Katolike.
Sipas BBC, përcjell Telegrafi, Papa Benedikti, i quajtur atëherë Josef Ratzinger, e mbajti postin nga viti 1977 deri në vitin 1982. Ai i ka mohuar akuzat.
Por një raport i ri mbi akuzat për abuzim historik i kryer nga një firmë ligjore gjermane e inkriminoi ish-papën.
Pretendohet se abuzimi vazhdoi gjatë mandatit të tij, dhe i akuzuari mbeti aktiv në rolet e kishës.
Ish-papa, tani 94 vjeç, u bë udhëheqësi i parë i Kishës që dha dorëheqjen në më shumë se 600 vjet në vitin 2013. Që atëherë, ai ka bërë një jetë kryesisht të qetë në qytetin e Vatikanit.
Raporti i ri, pretendon se ai u njoftua për faktet e rasteve të abuzimit të fëmijëve derisa ishte kryepeshkop, por nuk ndërmori asnjë veprim. /Telegrafi/