Ish-ministri i Ekonomisë së Kazakistanit, Kuandyk Bishimbayev ka rrahur për vdekje bashkëshorten, Saltanat Nukenova.
Menjëherë pas dasmës, Bishimbayev filloi të shfaqej agresiv ndaj gruas së tij. Ai e ndaloi gruan të komunikonte me të afërmit dhe miqtë me telefon, ia kontrollonte mesazhet dhe lëvizjet ndërsa ia ndaloi edhe të shkonte në punë.
Çifti u grindën në një restorant ndërsa Saltanat tha se donte të shkurorëzohej. Bishimbayev i dehur filloi ta rrihte brutalisht me duar dhe këmbë, si rezultat ajo vdiq. Ai e torturoi gruan për disa orë, shkruajnë mediat.
Në gjyq, Bishimbayev u deklarua i pafajshëm dhe avokatët kërkuan riklasifikimin e akuzave nga “vrasje e kryer me mizori të veçantë” dhe “torturë” në “shkaktim i vdekjes nga pakujdesia”.
Tragjedia e ka rikthyer çështjen e dhunës në familje në diskutimin e shoqërisë kazake. Publiku shqetësohet se ish-ministri mund t’i shpëtojë përgjegjësisë dhe çështja mund të riklasifikohet.
Ndryshe, Bishimbayev përballet me 20 vjet burgim ose burgim të përjetshëm. /Telegrafi/
Former Minister of Economy is on trial in Kazakhstan for the brutal murder of his wife
He faces up to life imprisonment.
Read the full article: https://t.co/hrd2OEvJZS pic.twitter.com/S4izqs7B2T
— NEXTA (@nexta_tv) April 3, 2024