Një ish-konkurrente e cila u shfaq në sezonin e gjashtë të “American Idol”, është arrestuar për shitje dhe kontrabandim të heroinës.
Antonella Barba, 31 vjeçe, u arrestua në Norfolk County të Virxhinias të enjten, shkruan DailyMail, transmeton Telegrafi.
Ajo është akuzuar për shpërndarjen e heroinës me qëllimin për ta shitur, një krim që dënohet prej pesë deri në 40 vjet burg.
Ligjet e drogës së Virxhinias janë konsideruar si një nga më të rreptat në vend, veçanërisht kur bëhet fjalë për heroinën.
Vetëm posedimi i heroinës mund të rezultojë në një dënim me burg prej 12 muajsh.
Kjo është hera e dytë që Barba ka pasur probleme me ligjin.
Në vitin 2011, ajo u arrestua për vjedhje dyqani në qytetin e Nju Jorkut. Një vit më vonë, ajo u shfaq në një tjetër reality show – “Fear Factor”.
Barba fitoi famë kur u shfaq në “American Idol”, gjatë sezonit të gjashtë të tij në vitin 2007.
Ajo u eliminua pak para se të zgjidheshin 12 këngëtarët më të mirë për konkurrencën e talenteve.
Barba shkaktoi një trazim në atë kohë pasi u fotografua duke u paraqitur në skenë me një bluzë të lagur në burimin e Përkujtimit të Luftës së Dytë Botërore, sipas TMZ.
Ajo gjithashtu bëri lajme gjatë kohës së saj në shfaqje pasi fotografitë e pahijshme të saj u zbuluan në internet.
Fotografitë treguan Barban në faza të ndryshme të zhveshjes. Ajo pranoi në atë kohë që fotot ishin autentike, por ato u zbuluan pa pëlqimin e saj.
Fotot përfshinin imazhet e saj ku shfaqet me shpinën zbuluar dhe me trëndafila mbi të, një tjetër ku shfaqej e ulur në tualet, si dhe një fotografi ku shfaqej duke mbuluar me duar gjoksin e saj. /Telegrafi/
