Joshua Schulte, ish-hakeri që punoi për CIA-n amerikane, është shpallur fajtor për “rrjedhjen” e një sërë informacionesh sekrete për WikeLeaks, përkatësisht kësaj ueb-faqe i kishte ofruar “vegla” hakimi dhe njihet me nofkën si Vault 7.
Ai gjatë gjykimit ka mohuar pretendimet se ka lidhje me këtë. Megjithatë është akuzuar se WikiLeaksit i ka shitur 8.761 dokumente nga viti 2017, në të cilat u zbulua se si ky Shërbim Sekret hakoi telefonat jashtë SHBA-ve dhe i shndërronte në pajisje përgjimi, transmeton Telegrafi.
Gjykatësit gjatë procesit gjyqësor theksuan se bëhet fjalë për një prej “rrjedhjeve” më të rënda të të dhënave të Shërbimit Sekret në historinë e Shteteve të Bashkuara.
Schulte i cili është mbrojtur vet në gjyqin e Manhattin, rrezikon të kalojë shumë vite prapa grilave dhe po ballafaqohet tani me një proces tjetër të ri gjyqësor – atë për posedim të pornografisë me fëmijë dhe keqpërdorimin e tyre.
Ai ishte pranuar në CIA në vitin 2010. Shpejt ishte ngritur në karrierë dhe të gjitha kontrollet e sigurisë i kishte kaluar, duke arritur të punësohet në selinë kryesore të agjencisë në Lengley, Virginia.
Detyra e tij kryesore ishte të krijoj një pako të programeve për hakimin e kompjuterëve, iPhone, telefonave tjerë Android e televizorëve të mençur. /Telegrafi/